„Сите промени во образованието кои се особено интензивирани во последните неколку месеци, Министерството за образование и наука ги креира преку консултативен процес со засегнатите чинители и низ широка јавна дебата во која може да учествува секој кој има волја и е подготвен за придонес во креирањето на најдобрите решенија во интерес на младите. Така е и по однос на промените кои се предвидуваат во средното образование, а за што јавноста навремено ќе биде информирана“, е кусиот одговор на Министерството за образование во однос на најавата на универзитетските професори од Сојузот на хемичари и технолози на Македонија дека поради недоследности во законската легислатива, размислуваат да го прекинат менторирањето на средношколците за Меѓународната олимпијада по хемија (IchO).
Умно.мк до МОН испрати повеќе прашања во однос на планираните промени за Законот за средно образование, поддршката на талентирани ученици и нивните ментори.
Фото: архива на Сојузот на хемичари и технолози на Македонија