„Сакаш ли да чуеш едно смело прашање: може ли за љубов да се пее по сеќавање?“, се првите стихови од „Парфем“, новата шесна на дуетот Пијан Славеј (Бранислав Николов | ФОЛТИН) и Тања Тас (ТЕМПЕРА).
„Почитувани љубители,
со големите сончеви денови и кратките ѕвездени ноќи,
со топлите квечерини, од градските опојни липи
се распева Пијаниот Славеј со сличните нему птички.
отворете ги прозоците ширум
начулете ги ушите молкум
животот е сладок
песната е локум“
– Ова е песна по сеќавање за една или за сите љубови на светот, поезија подеднакво суштинска за космичките тела и човечките срца – велат од „Охо продукција“, продуценти и издавачи на песната.
Снимена е во Студиото „Тра-ла-ла“ на музичкиот продуцент Мите Димовски. Промоцијата на видео спотот се одрѓа денеска на пладне, на YouTube каналот на Пијан Славеј.
Извор на фотографија: YouTube канал на Пијан Славеј / Автор на фотографија: Михаил Намичев
